Tanrının bir çox adı var, bu adların hər biri Onun xarakterini açıqlayan bir xüsusiyyət daşıyır. Bunların üçünə nəzər yetirək:
1) Mənəm
“Var Olan Mənəm”. Sonra dedi: “...belə söylə: “
Bu ifadəyə ən yaxın izah belə səslənə bilər: Mən var olanam və ya Mən özlüyümdə mövcud olanam. Tanrı varlığının mənbəyi O Özüdür.
Bizim qida, su, hava, yuxu və işıq kimi sayı-hesabı olmayan həyati cəhətdən vacib təminata ehtiyacımız olduğu halda, Tanrının bunlara ehtiyacı yoxdur. Allahın heç nədə ehtiyac duymur. O, özlüyündə mövcud olandır, "Mənəm" deyəndir.
2) Rəbb
Tanrının "Mənəm" adına Müqəddəs Kitabda o qədər də tez-tez rast gəlmirik, çünki bu sözün mənası Rəbb sözündə öz yerini alıb.
Sənin kimi Allah yoxdur, ya Rəbb. Sən böyüksən, əzəmətdə adın ucadır. Yeremya 10:6
Rəbb adı ilə yalnız Tanrının əbədi olaraq özülüyündə mövcudluğu vurğulanmır, bu söz eləcə də diqqətimizi Onun mövqeyinə yönəldir. Öz mövqeyinə görə Tanrı hamıdan üstün yer tutur. O, rəbblərin Rəbbidir.
3) Haqq-Taala (ən uca Tanrı)
Tanrının bu adı Rəbb adı ilə birləşərək Onun suveren hökmdar olaraq rolunu vurğulayır.
Bilsinlər ki, Sənin ismin Rəbdir, Bütün yer üzündə, ancaq Sən Haqq-Taalasan! Məzmur 83:18
Qədim imperiyaların başçıları, yəni imperatorlar bütün imperiya boyu mütləq hakimiyyətə sahib olduğı kimi, bütün Kainatın Padşahı da Haqq-Taala olan Tanrıdır.
Hətta Tanrı sözünün özü (biz onu Allah sözü ilə də tez-tez əvəz edirik) Allahın ali hökmdar mövqeyini vurğulayır. Tanrı sözü güclü olan, qüdrətli rəhbər, ən uca İlahi deməkdir.
Allahın Padşah olduğunu düşünəndə, təsəvvürümüzdə birdən-birə haradasa buludlarda, qızıl taxtı üzərində əyləşmiş ağsaqqal bir kişinin siması yarana bilər. Müqqəddəs Yazıların heç bir yerində Tanrı ağsaqqal kişi kimi təsvir edilmir. Amma burada Tanrının taxtına istinadlar tapa bilərik. Və, yenə də, həmin taxt haradasa buludlar içində deyil, lakin göylərdə bərqərar olunmuş müqəddəs bir məbəddədir.
Rəbb Öz müqəddəs Məbədindədir, Onun taxtı göylərdədir. Rəbbin görən gözləri var, gözünü açar, Bəşər övladlarına diqqətlə baxar. Məzmur 11:4
Tanrı göylərdən hökm sürür. Biz Göylər haqqında o qədər də çox bir şey bilmirik, amma bildiyimiz belə inanılmazdır. Bu barədə təffərüatı ilə bir qədər sonra söz açacağıq, hələlik isə Tanrının bütün Kainat üzərində Ali Hökmdar olduğunu bilməyimiz yetər.
