The Stranger on the Road to Emmaus - 007

Əhdi Ətiq və Əhdi Cədid

Müqəddəs Kitabın icmalına başlayarkən, Müqəddəs Yazının iki əsas hissəyə bölündüyünü qeyd etməyimiz lap yerinə düşərdi. Bu hissələri Əhdi Ətiq və Əhdi Cədid təşkil edir. Tarixi baxımdan Əhdi Ətiq özü də digər iki hissəyə bölünürdü:

1. Musanın qanunu (bəzən ona Tövrat, Musanın kitabları ya da sadəcə Qanun deyilir);

2. Peyğəmbərlər (bir qədər sonra bu hissənin tərkibindən Yazılar adında üçüncü bölüm də qeyd olunmağa başlamışdı).

Beləliklə, Müqəddəs Yazılarda “qanun və peyğəmbərlər” ifadəsinə rast gələndə, bunun bütövkülə Əhdi Ətiqə istinad edildiyini başa düşmək lazımdır. Bu, Müqəddəs Kitabın təxminən üçdə iki hissəsini təşkil edir, yerdə qalan üçdə bir hissəyə isə Əhdi Cədid deyilir.

Tanrının Sözü

Müqəddəs Kitabın fərqli hissələrə bölünməsini yadda saxlamaq yaxşı olardı. Amma bundan daha da vacib bir məqam var. Yadda saxlamaq lazımdır ki, Müqəddəs Kitab, yəni Bibliya Allah Kəlamı olduğuna iddialıdır. Bu, Tanrının bütün bəşəriyyətə çatdırmaq istədiyi Sözdür. Deyilənə görə, biz Müqəddəs Kitabın səhifələrini nəzərdən keçirərək Allahla tanış ola bilərik. Bu iddia isə hətta ən biganə insanı belə vaxt ayırıb, Bibliyada yazılanlara fikir verməyə vadar etməlidir.

Ya Rəbb, Sənin Sözün əbədi olaraq bərqərardır... Məzmur 119:89